Gürcüstan hökuməti, Gürcüstanın Azərbaycandakı səfiri Zurab Pataradzeni gözlənilmədən geri çağırıb. Bu qərar Gürcüstanın Baş naziri İrakli Kobaxidze tərəfindən imzalanıb və təsdiq üçün prezident Salome Zurabişviliyə təqdim edilib.
Pataradzenin səlahiyyət müddəti 2025-ci il yanvarın 1-də başa çatmalı idi, lakin hökumət onun vaxtından əvvəl geri çağırılmasının səbəblərini açıqlamayıb. Zurab Pataradze 2018-ci ildən bu vəzifədə çalışırdı.
Hazırda Gürcüstanın Azərbaycandakı səfirliyindən bu məsələ ilə bağlı rəsmi şərh almaq mümkün olmayıb.
